Jäger

Schweigen ,dulden, lachen, hilft zu manchen Sachen. (Lebensweisheit)

Diese Seite wurde am 4.1.2002 erstellt

Christoph Obrovsky, ein Laaber Jäger, bei einer kleinen Feier zum Jahresausklang. (29.12.2001)

 

Blick auf Laab am 4.1.2001

 

Unsere Jagdpächter

Unsare Jaga sind zum Abschied heut gekommen!

Und einstweil Ihr tut`s bei uns verweilen,

erzählen wir über Euch ein paar Zeilen!

Zu Weihnochten oh wunderboa,

seids imma kumman jedes Joa!

Hobt`s brocht a Wuascht und an edlen Tropfen!

Ihr sogt`s Ihr woit`s de Jogd nimma nema,

weama segn wos de Neichn ois kena,

vielleicht lossn`s de Saun jo a wida rena!?

Mit Wüdsau is in Laab a Kas,

des Eizeina eich a net gmocht hot vü Spaß!

Ob Hafer, Kukuruz und Weizen,

de Saun lossn net gern mit sich scherzen!

Beim Wüdschodn griagn de Bauern a nimma gnua,

drum sogn de Jaga dama net aweu umanaundastudiern,

sunst mias ma den Bauern mit`n Wüdschodn den neichn Stoibau finanziern!

 

Maunchmoi bringt da Christl a Floschn Wei daher,

do gfreit sie de gaunze Famülie sehr!

Mia hoffn daß ma duach den Wei wean schlauer,

wö maunchmoi isa scho a wengal sauer!

Und werand mia so diskutiern,

sogt da Papa ob a net a poa Krah kennt griagn!

Der Christl sogt de griagst glei muagn,

do bis heit is nix drauß wurdn!

Da Christl tuad so umanaund siniern,

auf amoi sogt er soid Moni die Jogdprüfung probiern!

Jetzt studiert die Moni a umadum,

oba sie sogt sie foat liaba mit´n Traktor herum!

 

Der Zulus kumt aus Mauer Ocht,

und fiacht sie wenn es wird auf d`Nocht!

Mittn am Weg steht Mauer Ocht,

do muaß ma aufpassn daß net glei krocht!

Der Ernest sitzt im Kukuruz drin,

und siniert so vur sich hin!

Kimt da Bock- Kumt da net,

auf amoi de Frau Fischlmair vur eam steht!

 

Mit`n Bock passn is jez vurbei,

es kuman vüzvü Leit vurbei!

Daun steht er plötzli auf und foat,

wö jo daham die Mama woat!

Der Zulus ißt de Punschkrapferl soo gern,

er beißt glei eine- sogt hot des an festn Kern,

er tuat no  a weng umanaundabeißn,

und sogt ihr deafts in Tag kann Stoppe eine schmeißn!

 

 

Leit beim Hermann des Telefon,

rennt er glei auf und davon!

Sicha san wida de Sau im Kukuruz drin,

oba es kumt da Hermann net hin!

Er foat mit´n Auto bis zum Jagastaund hin,

jetzt draun sie de Sau a nimma hin!

Und waun da Hermann amoi passn tuat,

a grat da Fischlmair Fuadamahn tuad!

Da Hermann tuat vua lauta Zurn den Staund valossn,

wö d´Beck jo eh scho woaunders tuan großn!

Der Hermann tuat gern a Glaserl trinken,

und bei an Gastjaga tuat er glei owinkn!

Er red a sunst so ollerlei,

ober bei d´Sau schiaßt er nebn verbei!

Er fiat a gern den Hochstaund spaziern,

oba beim Aufsitzn tuat er sie zieren!

 

Die Moni und I tuan am Schönhoferrahm Kukuruz schneidn,

auf amoi hea I wem von weitaweg redn!

I richt mi auf und drah mi um,

steht da Christl umadum!

Daun hot uns da Christl fias ausschneidn globt,

und mia hom auf amoi drei Höfer mea kobt!

Und weils am Schönhoferrahm gibt kane Glaserl,

homma getrunken zu fünft aus an Flascherl!

Mochn de Bratnfuata Jaga a Sauriegelei,

san unsare Jaga a mit dabei!

Unsare Jaga tuan´s hintan Gmoawoid vastecken,

wö do kumt eh ka Sau mea um d´Eckn!

De Bratnfuata Feaschta manatn´s a guad mit Eich,

nemts unsa Laaba Seitn a dazua,

wö mia zoin eh scho Wüdschodn gmua!

 

Oba des Gedicht soi ka Beleidigung sein,

wö mia glaubn a bißal a Spaß muaß a sein!

Nun wünschen wir Euch ein Frohes Fest,

und wir wünschen uns daß Ihr uns net vergeßt!

Einen guten Rutsch ins Neue Jahr,

sowie viel Gesundheit für die nächsten Lebensjahr!

 Eure Fam. Fischlmair!

 

Die Dichterfamilie mit ihren Eltern im Kunstgraben bei Grimmenstein. (Sommer 2001)

 

Zurück Seitenbeginn Zurück Startseite